النوم مش بس وقت للراحة
النوم مش بس وقت للراحة، لكنه حاجة أساسية لصحة عقلك وجسمك وكمان نفسيتك. عشان كده، مهم تعرف إزاي تنام صح وتصحى في كامل نشاطك بعد الاستيقاظ.
بيوند معاك في كل الأوقات.
ليه بتنام كتير وبتصحى مش مركز؟
أوقات كتير ممكن تنام عدد ساعات كافي، لكن تصحى حاسس إنك مش مركز أو جسمك مش مرتاح. وده لأن جودة النوم ومراحل النوم نفسها بتفرق جدًا في إحساسك بعد الاستيقاظ.
النوم مش بس وقت الجسم بيقف فيه عن النشاط، لكنه مرحلة أساسية لصحة جسمك وعقلك. ولو نومك مش كويس، ده بيأثر على تركيزك، مزاجك، وكمان صحتك الجسدية.
علشان كده، مهم جدًا إنك تعرف إيه هي مراحل النوم وإزاي تقدر تصحى مركز وفي كامل نشاطك.
مراحل دورة النوم
النوم بيتقسم لدورات، وعلى حسب ساعات النوم بتتحدد عدد الدورات. كل دورة نوم بتستمر حوالي 90 دقيقة.
ودورة النوم بتتقسم إلى 4 مراحل أساسية:
إزاي تحسب وقت الاستيقاظ حسب دورات النوم؟
علشان تحسب وقت الاستيقاظ، لو هتنام الساعة 11 بالليل، لازم تبص على دورات النوم. كل دورة نوم بتستمر تقريبًا 90 دقيقة، وبتكمل 4 إلى 6 دورات خلال الليل.
مثال: لو هتنام الساعة 11:00 مساءً
وبالتالي، ممكن تختار تصحى في نهاية أي دورة منهم علشان تصحى وأنت مرتاح، زي 6:30 صباحًا أو 8:00 صباحًا.
قاعدة 10-3-2-1-0 لتحسين جودة النوم
ولتحسين جودة النوم، ممكن تتبع قاعدة بسيطة وهي قاعدة 10-3-2-1-0.
10 ساعات قبل النوم: مفيش كافيين
تجنب الكافيين قبل النوم بـ 10 ساعات.
3 ساعات قبل النوم: مفيش أكل
حاول ما تاكلش قبل النوم بـ 3 ساعات.
2 ساعة قبل النوم: مفيش شغل
ابعد عن الشغل قبل النوم بساعتين علشان تساعد عقلك يهدأ.
1 ساعة قبل النوم: مفيش شاشات
قبل النوم بساعة، ابعد عن الشاشات والموبايلات.
0 مرة تضغط على زر Snooze
الصبح، حاول ما تضغطش على زر snooze في المنبه.
النوم مهم جدًا لصحتك، لأنه بيساعد جسمك يسترجع طاقته، وبيخلي عقلك في حالة تركيز أعلى.
وده بيساهم في تحسين مزاجك وقدرتك على الأداء خلال اليوم.
بيوند معاك في كل الأوقات.