مش هنكون بنبالغ لو قولنا ان 80% من مسؤولي الموارد البشرية بيعانوا بسبب عبء شغلهم اللي بيتطلب وقت اكبر بكتير من عدد ساعات العمل المتعارف عليها. من اول طلبات التوظيف ومرحلة التعيين لطلبات ومتطلبات الموظفين.

طب لو قلتلك انك ممكن توفر 50% من وقتك و مجهودك ويبقى عندك مساعد متاح 24/7!

المساعد ده هو الشاتبوت المدعوم بالذكاء الاصطناعي - وهو مساعد افتراضي متعدد الاستخدامات بيشتغل طول الوقت بمعنى اصح بيشتغل 24/7 طول ايام الاسبوع. وده اللي خلاه عمل ثورة في مجال إدارة الموارد البشرية لأنه بكل ساطة قدر مش بس يساعد مسؤولي الموارد البشرية في شغلهم لكن كمان ساعدهم يطوروا مجال الموارد البشرية ككل. 

وعشان كده لو انت مسؤول موارد بشرية او بتعمل في القطاع ده فلازم تعرف الأدوار الهامة اللي ممكن الشاتبوت يساعدك فيها وكمان تعرف انواع الشاتبوت لكل مهمة:

1- المساعدة في عملية التوظيف:

دور الشات بوت في مجال التوظيف مهم جداً لإنه بيعمل على تحسين وتسهيل عملية التوظيف للشركات والمؤسسات. لأن هذه البوتات  تتميز بالذكاء الاصطناعي وتقنيات التعلم الآلي واللي بيسمح لها بالتفاعل مع المرشحين وتحليل سيرهم الذاتية وجدولة المقابلات والتواصل معهم بطريقة سريعة وفعالة. كمان بتساهم في تحسين تجربة المتقدمين وتوفير الوقت والجهد لكل مسؤولي الموارد البشرية وتحسين عملية اختيار المرشحين المناسبين للوظائف المتاحة. و من افضل الشاتبوت اللي هتكون مناسبة للمهام السابقة هي:

• Amber (https://www.infeedo.ai/) 
• Olivia (https://olivia-ai.org/) 
• Humanly (https://humanly.io/) 
• Ideal (https://ideal.com/) 

واكيد تقدر تعرف اكتر عن كل شاتبوت ومميزاته من خلال مواقعهم الألكترونية. 

2- الدعم 24/7 للموظفين:

على عكس الدعم التقليدي للموارد البشرية، فإن الشاتبوت  اللي مدعوم بالذكاء الاصطناعي متاح في أي وقت طول أيام الأسبوع.وده بيضمن وجود حد بشكل متواصل عشان يجاوب على كل اسئلة و استفسارات الموظفين. سواء كان الموظف محتاج يعرف معلومات عن سياسات الشركة، أو المزايا، أو استفسارات عامة في مجال الموارد البشرية، او اسئلة عن التأمين الشاتبوت بيقدر يجاوب بشكل دقيق وسريع، وده مما بيعزز ثقافة الخدمة الذاتية وكمان بيعزز رضا الموظفين عن مكان العمل.

من أفضل الشات بوت اللي هتساعدك في ده هي:

• Zia by Zoho (https://www.zoho.com/)
• Phia by Peoplehum (https://www.peoplehum.com/blog/hr-chatbot-phia) 
• Understandbetter.co (https://understandbetter.co/) 
• Amara.ai (https://amara.ai/) 

طيب ايه تاني ممكن يعمله الشات بوت لمسؤولي الموارد البشرية ؟

الشاتبوت يقدر يعمل خدمات مختلفة زي انه يكون مصدر موثوق للموظفين واللي من خلاله بيقدم معلومات دقيقة وفورية عن أحدث السياسات والمتطلبات القانونية للشركة. بالإضافة إلى توفير الوصول السريع إلى المستندات والإرشادات الخاصة بالموارد البشرية.

 اكتر شاتبوت هتكون مناسبة للمهام دي وغيرها هي:

• Engazify (https://www.crunchbase.com/organization/engazify)  
• JLT HR Chatbot (https://www.druidai.com/) 
• Dino chatbot (https://dinocorporation.com/) 
• Jinie (https://www.peoplestrong.com/jinie/) 

في النهاية الشاتبوت المدعومة بالذكاء الاصطناعي لا غنى عنها في إدارة الموارد البشرية الحديثة، لانها بتقوم بأدوار حيوية لدعم مسؤولي الموارد البشرية والموظفين طول الوقت في جميع أنحاء العالم.