أي شركة ناجحة بتبدأ بفكرة، لكن علشان الفكرة تكبر وتتحول لبيزنس مستمر، محتاجة أكتر من مجرد الحماس أو التمويل.
محتاجة شبكة علاقات قوية، خبرات عملية، قرارات محسوبة، والأهم: حماية تساعدها تتعامل مع المخاطر اللي ممكن تقابلها أثناء رحلة النمو.
ومن هنا، كانت مشاركة Beyond Insurance Brokerage في فعالية The Business Lobby 2026 كراع رئيسي للحدث، وسط مجموعة من رواد الأعمال، أصحاب الشركات الناشئة، المستثمرين، الخبراء وقادة مجتمع الأعمال في مصر.
إيه هو The Business Lobby؟
The Business Lobby هو مجتمع ومنصة بتجمع بين رواد الأعمال، أصحاب الشركات، المستثمرين والخبراء، بهدف تحويل الـNetworking من مجرد تعارف وتبادل كروت إلى فرص حقيقية للتعاون، الاستثمار وبناء شراكات طويلة المدى.
فعاليات Business Lobby بتجمع بين جلسات نقاشية، Workshops، فرص للتواصل مع المستثمرين، محتوى تعليمي، ومسابقات للشركات الناشئة تقدر من خلالها تعرض أفكارها قدام خبراء ومتخصصين.
النسخة الخامسة من الحدث اتعملت يوم 9 مايو 2026 في مكتبة مصر الجديدة بالقاهرة، وشهدت مشاركة أكتر من 60 شركة ناشئة.
ليه Beyond Insurance Brokerage شاركت في الحدث؟
في بيوند، إحنا مؤمنين إن دور وسيط التأمين مش بيبدأ بعد ما المشكلة تحصل.
دورنا الحقيقي بيبدأ من فهم طبيعة الشركة، المخاطر اللي ممكن تقابلها، والمرحلة اللي بتمر بيها،.
بعدها نساعدها تختار حلول تأمينية مناسبة تحمي استثماراتها، فريق العمل، أصولها واستمرارية عملياتها.
كانت مشاركتنا فرصة مهمة نكون قريبين من مجتمع رواد الأعمال ونتعرف بشكل مباشر على التحديات اللي بتواجه الشركات في مراحلها المختلفة.
شاركت Beyond Insurance Brokerage كـMain Sponsor للحدث، في امتداد لدورنا في دعم نمو الشركات.
أفكار جديدة من الـStartup Competition
بدأ اليوم بجزء مهم من Startup Competition، واللي عرضت فيه مجموعة من الشركات والمشروعات أفكارها قدام لجنة من الخبراء والمستثمرين.
أكتر حاجة كانت مميزة هي طاقة المشاركين وطريقة تفكيرهم، لأن بناء مجتمع أعمال قوي محتاج جيل مستعد يجرب، يتعلم ويتعامل مع مشكلات السوق بطريقة جديدة.
لكن مع نمو أي Startup، بتبدأ تظهر مخاطر ومسؤوليات جديدة، زي:
- حماية مقر الشركة ومعداتها وأصولها.
- توفير تأمين طبي مناسب لفريق العمل.
- التعامل مع مخاطر المسؤولية القانونية والمهنية.
- حماية البيانات والأنظمة من المخاطر السيبرانية.
- ضمان استمرارية النشاط في حالة حدوث ظروف غير متوقعة.
أهم الأفكار من الـPanel Discussion
اليوم تضمن كمان Panel Discussion جمعت مجموعة من الخبراء اللي شاركوا خبراتهم بشكل عملي وواقعي عن تأسيس الشركات، التوسع، الاستثمار واستخدام الذكاء الاصطناعي.
ومن أهم الرسائل اللي خرجنا بيها من الجلسة:
- أفضل أفكار الشركات الناشئة بتتبني على نقطة قوة حقيقية عند الفريق.
- قبل التوسع، لازم الشركة تتقن اللي بتعمله.
- الذكاء الاصطناعي لوحده مش كفاية.
- المستثمر مش بيدور على Trend فقط.
- مستقبل الأعمال محتاج مزيج من الخبرة والتكنولوجيا.