بيوند بتقول لكل مسؤولي الموارد البشرية و العاملين في القطاع ده مجموعة نصايح مهمة عن استخدام الأدوات والتقنيات الحديثة اللي بتساهم بشكل كبير في زيادة كفاءة كل العاملين في مجال الموارد البشرية واللي بتسمحلهم انهم يكونوا Multitasking. و مهم نكون عارفين ان الادوات والتقنيات دي هدفها الاساسي هو مساعدة كل HR على تبسيط المهام اليومية وتقديم دعم أفضل للموظفين. ومن اهم الادوات و التقنيات دي هي:

• برامج إدارة الموارد البشرية (HRMS):

HRMS هو نظام شامل بيقوم بمجموعة من وظائف إدارة الموارد البشرية بشكل اتوماتيكي، زي إدارة بيانات الموظفين، تتبع الحضور والإجازات، صرف المرتبات، وإدارة المزايا. وبيساعدك للوصول لأعلى درجة من التكامل في تدعيم العلاقة بين المدراء والموظفين ، وكمان الموظفين فيما بينهم .

ومن البرامج المعروفة واكثرهم استخداماً هي:  (Workday - SAP SuccessFactors - BambooHR)

• بوابات الخدمة الذاتية للموظفين:

البوابات دي بتسمح للموظفين بالوصول إلى معلوماتهم الخاصة بكل سهولة، زي طلبات الإجازات، وتسجيل المزايا، وتحديث التفاصيل الشخصية. وده بيقلل من تدخل مسؤولي الموارد البشرية كل مرة يحتاج اي موظف انهيعرف معلومة ما.  ومن الأمثلة المستخدمة عالمياً: (Zenefits - Gusto)

• برامج وادوات إدارة المهام والمشاريع: 

في ادوات كتير زي Asana -Trello - Monday.com  هتساعدك في تنظيم مهامك ومهام الموظفين، وتحديد أولوياتك، والتعاون مع فريقك.

• روبوتات الدردشة والمساعدين الافتراضيين: 

بخطوات بسيطة زي توصيل روبوت شات بوت بشبكة الشركة الداخلية أوالموكع الالكتروني للشركة، هيسهل عليك كتير لأنه هيتعامل مع استفسارات الموظفين الروتينية وكمان يقدر يقدم اجابات سريعة ولحظية، وده بدوره بيخفف من مهمامك وبيوفر وقتك ومجهودك في التعامل مع الأسئلة المتكررة. ومن الأدوات المعروفة هي:   Microsoft Power Virtual Agents -Intercom

• برامج إدارة الملفات: 

 أدوات كتير زي Google Workspace (سابقًا G Suite) أو Microsoft 365 بتساعد في  تخزين المستندات في الcloud واللي بيسهل مشاركة وإدارة المستندات والملفات الخاصة بالموارد البشرية بشكل آمن.

• أدوات استطلاع آراء الموظفين: 

كمان ممكن لأدوات زي SurveyMonkey أو Qualtrics مساعدتك في معرفة آراء الموظفين وكمان جمع الملاحظات وتقييم مبادرات الموارد البشرية المتنوعة ومواضيع تانية كتير.

خليك فاكر أن اختيار الأدوات بيعتمد على احتياجات وتفضيلات كل شركة او مؤسسة بشكل مختلف. وعشان كده قبل استخدام او شراء اي برنامج مهم جدا تتأكد من احتياجاتك ليه، و كمان تتأكد من تقديم التدريب المناسب والدعم المستمر ليك ولفريقك للاستفادة القصوى من البرامج والادوات دي.